السلام عليكمانا متزوجة منذ 6 سنوات ولدي طفلين سافرت مع زوجى الى احد البلاد العربية التي كان يعمل بها ومشكلتي اني بشك في زوجى انه شاذ جنسيا ، زوجي مرتبط جدا بواحد صحبه كان مديره في العمل وكان مقيم معه في نفس السكن قبل زواجنا لمدة3 سنوات ، ولكن صاحبه سافرالى بلد عربي اخر بعد زواجنا بفترة قصيرة ويومها وكان زوجي ماسك نفسة من العياط بالعافيه ، لكني كنت بطمن نفسي واقول صداقة الرجال اقوى من صداقة النساء وان زوجي بيصلي واستحالة يكون في بينهم حاجه ، وخلال 4 سنوات رغم محاولات زوجي المستمرة الاتصال به لم يرد صاحب زوجي علي تليفوناته الا عندما غير زوجي رقم تليفونه واقنعه زوجي انه يريد العمل في البلد التي يعمل بها لان عمله غير مستقر بسبب الازمة الاقتصادية وسافرنا بالفعل ولاقيت تصرفات زوجي غريبه كان بيعاملة معاملة الزوجة الي خايفة على جوزها من الهواء الطاير كان ممكن يخليه يحط رأسه على رجلة علشان ينام ويقول انا عارف اصله ما بيعرفش ينام كويس وممكن يلعب له في شعر ايده اويحط ايده على كتفه غير انه بيقبله مثلما يفعل العرب غير اللهفة على رؤيته باستمرار رغم عملهم مع بعض في نفس الشركة ويوم تغيب صاحبه عن العمل كان زوجي مش قاعد على بعضه حتى رد صاحبه علىتليفونه وسمعت زوجي بيقوله وحشتني وكانت وحشتني مش طبيعية خالص، ومرة زوجي ماكنش قاعد معانا لمح لي صاحبه ان زوجي شاذ وقال لي مره هات ابنك اشيله اشوفه منجذب لي مثل ابوه ولالأ ومره اخرى قال لي ان زوجي بيحب يحضن اي حد يتعرف عليه ، مرة اخرى قال واحد اخر من اصحاب زوجي: على فكرة الواد ده مش طبيعي وكان يقصد انه شاذ لكن زوجي اخدها بهزار، وناس كتير بيقولوا انه طيب اوي ومتواضع وبيحب يخدم الناس ومرح جدا على الرغم من اني ساعات بحس ان ضحكه مصطنع وبيعمل دوشه على شان يلفت النظر له،دلوقتي صاحبه مسافر تاني الى بلد اخر وزوجي مصمم على السفر معه على الرغم من انه مستقر في عمله وبيقول لي انامش هشتغل مع حد تاني غيره انت والاولاد سافروا مصر وانا ابقى اسافر لكم مرة كل ست شهور، من الناحيه الجنسية يحدث بيننا معاشرة من مرة في الاسبوع الى مرة كل 3 اسابيع ولا يحدث الانتصاب بشكل كامل ويمارس العادة السرية يكاد يكون بشكل يومي ، وفي اخر لقاء بيننا كان عايزني اعمل حاجة غلط عنده هل زوجي شاذ فعلا ولا لا وكيف اتاكد.
متتعبيش نفسك
فى التفكير الكتير خدى موقف ، انا رايى انك تسأليه بصراحة عن طبيعة العلاقة بينه وبين صاحبه ده ، او انك تجيبيهاله انك خايفة عليه ليكوون صاحبه ده بيستغله جنسيا وانك شاكة انه مش كويس . وتقوليله شوية امثلة على تصرفاته اللى انتى شايفاها غلط وبتثير الشكوك .
الحاجة التانية اللى ممكن تعرفى منها اكيد الصفحات اللى بيدخل عليها على النت لانه اكيد هيكون بيستخدم الصفحات دى .
ولو مش عاوزة تمرى بالموقف ده خالص ممكن تعملى حاجة تانية ، فرضا ان جوزك فعلا كده ، الحل هيبقى ايه ، خلاص انتى عرفتى واتأكدتى ، مفيش داعى بقى نتكلم معاه فى الموضوع أصلا ، بس ممكن بمنتهى اللطف وبأسلوب جميل نحاول نخليه يسمع من وقت للتانى حلقة دينية لشيخ محترم ، نحط ادامه كتاب مهم عن الزنا ، وعن الكبائر ، أو كتاب عن الجنة ونعيمها ، ورحمة ربنا بعباده ، وأفضال ربنا علينا ، حاجات تخلى قلبه يفوق من الظلم اللى هوا فيه يمكن ربنا يهديه وده مش صعب على ربنا ومحاولة مهمة جدا لعلاجه .
كمان تكلميه عن فوايد المعاشرة الزوجية الشرعية لصحة الرجل والمرأة وأد ايه هى مهمة لصحتهم جدا .
المهم ان مهما كانت المشكلة غالبا ليها حل باذن الله ، حاولى بنية طيبة وربنا يوفقك .